Like дарж манай сайтыг дэмжээрэй :)

”Заантай” будааны уутыг хуурамчаар үйлдвэрлэсэн нь илэрчээ


Шударга өрсөлдөөн, хэрэглэгчийн төлөө газарт "Заан” нэрийн цагаан будаа, элсэн чихрийн барааны тэмдэг, сав баглаа боодлыг хуурамчаар үйлдэж, худалдаалж байгаа тухай өргөдөл иржээ. Энэ дагуу тус газраас "Нарантуул”, "Дүнжингарав” худалдааны төв, "Барс” захуудад хяналт шалгалт хийсэн байна.

Хяналт шалгалтаар "Нарантуул”, "Дүнжингарав” худалдааны төвд "Заан” нэрийн цагаан будаа, элсэн чихрийн сав баглаа боодлыг дуурайлган хийсэн уутыг зарж борлуулж байгаа нь илэрчээ. Мөн үйлдвэрлэгчийн нэр, хаяг, барааны орц, найрлага, хадгалах хугацаа, хэрэглэх арга зэрэг барааны талаар хэрэглэгчид өгөх мэдээлэл байхгүй, хаана ямар улсад, хэзээ үйлдвэрлэгдсэн гарал үүсэл нь тодорхойгүй "Заан” нэрийн уутанд цагаан будаа, элсэн чихэр, шар будааг 5 кг, 3 кг, 2 кг-аар савлан худалдаалж байгаа зөрчил илэрсэн байна.

Эдгээр зөрчлийг арилгуулахаар улсын байцаагчийн хугацаатай албан шаардлагыг "Нарантуул”, "Дүнжингарав”, "Барс” захуудын удирдлагуудад хүргүүлжээ.

PHOTONEWS.MN


Танд энэхүү нийтлэл таалагдсан бол "ТААЛАГДЛАА" дарж манай сайтыг дэмжээрэй! :)

Сэтгэгдэл бичих

Уншигчдын бичсэн сэтгэгдэлд ineemseglel.mn хариуцлага хүлээхгүй болно. ТА сэтгэгдэл бичихдээ ХХЗХ-ны журмыг баримтлан хууль зvйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдолыг 99183593 утсаар хүлээн авна.




ИНЭЭМСЭГЛЭЛ.МН - Энтертайнмент портал!